| |||||||
| منتدى يوميات الحدايق منتدى يوميات الحدايق شنو الي يصير بيومك احداث اخبار |
 الإهداءات |
 |
| | LinkBack | أدوات الموضوع | انواع عرض الموضوع |
04-02-2010, 03:56 PM
| رقم المشاركة : 1 (permalink) | ||
 من كربلاء الى كربلاء ...مشايه لدرب العشق من كربلاء الى كربلاء ...مشايه لدرب العشق يوم من حياتي حبيت اشارككم بيه بالبداية احب أعرف عن نفسي عمار الصراف من محافظة كربلاء المقدسة التحصيل الدراسي بكلوريوس علوم فيزياء أشتغل بدائرة ماء كربلاء وراح أسولف ..عن البارحة يوم الأربعـــاء يوم 3 / 2 / 2010 متواعدين آني ويه صاحبي احمد نطلع من كربلاء و نصعد سيارت الى النجف ننزل يم خان النص ونجي مشي الى الأمام الحسين بكربلاء مسافة أكثر 40 كم يعني عدنه اعتقاد نحصل ثواب وقضاء حوائج بجاهه عند الله تعالى ... المفروض يبات يمي ونطلع من الفجر بس الولد استحة يجي يمي لان عدنه زوار بالبيت يعني الهول والاستقبال نازل بيه موكب من السماوة ... والغرف وحدة لبيت عمي وحدة لخال امي ... وأهلي نامو بغرفتي ... وغرفة أخوية بيهه مرت اخوية جابت بنية حلوة هع قبل أسبوع سموهه زهراء... على الخير ... قسم نامو بالممر .... المهم بيتنه هوسة .... تواعدنه أنتظره يجيني الساعة بثمانية لأن بيتنه يم كراج المحافضات ( الموحد) بس الولد اتاخر صارت بالعشرة وخابر كال بالكوه حصل ما كو شبكة وكت الزيارة لكثرة عدد الناس... أسف هستوني ... كاعد من النوم البارحة اتاخرت بالنوم ... هسة شلون أني بصراحة تترددت أروح يو لا بالأخير كولتله تعال والله كريم ... اجاني وره ساعة بسبب الازدحام... ذبينه القماصل لان الجو حار ... وأمي كالت اخذ جنطة ... كلت ميحتاج .. امي جانت خايفة من الانفجارات بس شتسوي....طلعنه الساعة أحدعش ونص ظهرا .... مشينة بس ناس بالكراج مليان ناس وسيارت ماكو... مشينه نحو مدخل النجف بين مشي واذا حصلنه ستوته ( ركبتهه تكسر الصاحي) ومن قطع لقطع ( يعني حد معين) لحد ما أذن اذن صلينه واتريكنه ( هوه صار ريوك مو غده ) و توكلنا على الله .... صعدنا سيارة والطريق أزدحام مو طبيعي السيارات واكفه لو مشي أسرع طلع على الترابي وأحنه مندري وين وصلنه واكثر مرة كولناله ننزل يم خان النص لمن بس هوه الظاهر عباله نتشاقه ... على مود الكروة يسويلنه بيها تخفيضات هع ... لمن وصلنه مشارف سيطرة النجف الاشرف.... حسينه بالدالغة ... مسافة سبعين كم عن كربلاء الحجي الساعة بتلاثة ونص العصر نزلنه من الكيه ... حمدنه الله وكولنه يمكن هذا شي مقصود للتخفيف الذنوب ... المهم مشينة بين الناس المشاية بكثرة ... حتى تضيق بهم الشوارع ... جان الجو حلو ....و الأكل المجاني بكل مكان ما خلينه مكان يعتب علينة بين برياني ... لبلبي ... داطلي ... كص لحم .. كص دجاج ... شوربة ... شعرية .... كباب ....محلبي ... وحلويات وفواكه والمشروبات والعصاير أشكال والكل يجلب بيك وما يخليك تفوت الا تاكل من زاد الحسين و نادون تفضل زاير والمشرف شيخ العشيرة يفرح لمن يكلوله خادم الحسين .....: وره ما عبرنه خان النص.. بان التعب ... كمنه نوكف كل كيلو نرتاح ... ونمشي والبرد جان شديد ... والمشاية نصهم ناموا.... والمواكب تقدم الاكل والشرب بكل وكت واحنة نمشي ...منريد انام نريد نوصل المشاية تسوي الطريق يومين بس احنه ردنه نحطم الرقم القياسي ... والجو يزداد برودة .. ولحد ما صارت ثلاثة بالليل ...انتهينه بس استمرررنا بالمتقدم...وصرنه اقرب واقرب... تندمت على أشياء اثنين ما جبت القمصلة ... جنت بس قميص ويلك وبطرون كابوي بس الحمد لله جنت ماخذ كينار وياهه تلثمت بيه ..دفاني... وندمت ما خذت جنطة مثل ماكالت امي... جان جبت ماكولات لاهلي للتبرك بزاد الحسين لان بالاخير كمنه ناخذ الاكل ونظعه باحد الاماكن لان الكل ما يعوفك الا تاخذ منهم واحنه مابينه نشيل كوه نسحل بنفسنه ...طبا شبكة ماكو ما تصلت باي واحد ....ارتاحينه لمن وصلنه لسيطرة كربلاء الرئيسية... الساعة الاربعة فجرا .. ثم مشينه حوالي تلاث ارباع الساعة ...الى ان أنتهينه رجلي و برد مو طبيعي ...مشينه بعد ماكدرنة نستمر يم السيطرة القريبة من كربلاء صعدنه من سيارة الى أخرى والناس تمشي اكثرهم بهل برد ... نساء و رجال من مختلف الأعمار و الامان بكل مكان على طول الطريق و الناس من مختلف المحافضات وحتى شفنه عرب بالطريق من لبنان و البحرين والسعودية... من سيارة لاخرى لحتى مسافة قريبة من البيت صار الطريق الي اقطعه بدقيقة ... بخمس دقايق بالموت ... وصلت وصاحبي ويايه مايكدر يجر نفسة قريب من اذان الفجر ...ماكدرنه انروح كَبل للامام الحسين وزرناه من بعد... ونمنه ... والحمد لله على الخير الي شفناه والناس الي تخدم الناس باي شكل ... لو يومية يصير هيج ... ياريت ...جان الى يوم بحياتي طولت بالموضوع وتقبلوا تـــ حياتـــي
| |||
 |
|
12-03-2010, 09:01 AM
| رقم المشاركة : 3 (permalink) | ||
 رد: من كربلاء الى كربلاء ...مشايه لدرب العشق [عزيزي الزائر يتوجب عليك التسجيل لمشاهدة الرابط للتسجيل اضغط هنا] سلمت يمناك عيوني
| |||
| |
|
| العلامات المرجعية |
| الكلمات الدلالية (Tags) |
| ...مشايه, مدرب, العشق, كربلاء |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ذكريات طبيب مسيحي مهاجر في كربلاء | Allawi. RM | منتدى القصص والحكايات | 2 | 15-10-2009 07:58 AM |
العرض العادي
